Vijon vetëregjistrimi i diasporës, deri në mëngjes janë evidentuar 177.875 persona

Redaksia LOBI
Nga Redaksia LOBI 1 Prill, 2021 13:25

Vijon vetëregjistrimi i diasporës, deri në mëngjes  janë evidentuar 177.875 persona

Përsaj votimit në Kuvend ku me 95 vota “për” dhe  7 vota “kundër” u miratua nevoja e Ligjit për shtyrjen e regjistrimit, regjistrimi i diasporës vazhdon, njofton Flaka

Përmes aplikacionit për vet-regjistrim deri tani janë evidentuar 177 875 persona nga diaspora, njoftoi sot Enti Shtetëror i Statistikave. Numri më i lartë i personave të vet-regjistruar është në Zvicër – 58 067, Gjermani 40 400 dhe Itali 25 618. Në SHBA janë regjistruar 7 484 persona, në Australi 2 227 dhe Kanada 1591 qytetarë.

Sipas marrëveshjes politike regjistrimi i diasporës do të vazhdoj deri më 30 shtator.

Ndërkohë në Shqipërinë fqinje deri tani janë vet-regjistruar 362 persona, Bosnjë dhe Hercegovinë 530, Bullgari 408, Greqi 141, Kosovë 1 038, Slloveni 3 324, Serbi 678, Kroaci 1331 dhe Mal të Zi 163 persona.

Redaksia LOBI
Nga Redaksia LOBI 1 Prill, 2021 13:25