Aksident i katërfishtë në Shkup

Redaksia LOBI
Nga Redaksia LOBI 15 Mars, 2021 11:46

Aksident i katërfishtë në Shkup

Një aksident mes katër veturave ka ndodhur në rrugën “Xhon Kenedi” në Çair, njofton Ministria e Punëve të Brendshme. Tri vetura kanë qenë në qarkullim, ndërkaq njëra e parkuar.

Si pasojë, janë lënduar 4 persona. Njëri shofer i veturës “Alfa romeo” dhe tre bashkudhëtarë. “Më 14 mars 2021, në ora 21:25 në SPB Shkup është denoncuar, se në rrugën “Xhon Kenedi” në Shkup ka ndodhur një aksident në të cilin kanë marrë pjesë vetura “Folksvagen golf” me targa të Shkupit, me shofer E.L.(67) nga Shkupi, vetura “Alfa romeo” me targa të Shkupit, me shofer R.I.(20) nga Shkupi, vetura “Shkoda Fabia” me targa të Shkupit, me shofer B.Ç.(29) nga Shkupi dhe vetura e parkuar “Shkoda” me targa të Shkupit, i parkuar nga E.M.(47) nga Shkupi”, njofton MPB-ja, transmeton TV21.

Më tej në njoftim thuhet, se nga aksidenti lëndime të rënda trupore ka pësuar bashkudhëtarja në veturën “Shkoda fabia”, S.Ç.(61), kurse me lëndime të lehta trupore shoferi i “Alfa romeos”, R.I. dhe bashkudhëtarët e tij B.T.(21) dhe V.Ç.. Lëndimet u konstatuan në Spitalin e Qytetit “Shën Naumi i Ohrit”. Në vendngjarje është kryer edhe ekspertizë, ndërkaq po punohet në zbardhjen e plotë të rastit./TV21

Redaksia LOBI
Nga Redaksia LOBI 15 Mars, 2021 11:46